Qaqpashy Ýgo Lorıs Frantsııa quramasyndaǵy mansabyn aıaqtady
ASTANA. QazAqparat – Qaqpashy Ýgo Lorıs Frantsııa quramasyndaǵy mansabyn aıaqtady, dep habarlaıdy QazAqparat tilshisi.
Shampionat.comsaıtynan alynǵan málimetke qaraǵanda, Frantsııa quramasynyń kapıtany ári qaqpashysy, 36 jastaǵy Ý.Lorıs bul týraly L'Equipe basylymynda málimdedi.
«Men óz bıigimde qalýdy jón kórdim. Naýryz aıyndaǵy kelesi halyqaralyq maýsymǵa deıin quramadaǵy áriptesterim men bapkerlerimdi qurmettegendikten, sheshimimdi qazir aıtyp otyrmyn. Endi Mık Menıan Frantsııa quramasynyń nómir birinshi qaqpashysy bolýy tıis», - delingen málimdemede.
Frantsııa quramasy sapynda Lorıs 145 match ótkizdi, bul –rekordtyq kórsetkish. Al kapıtan retinde komandasyn 121 oıynda bastap shyqty, bul da biregeı jetistik bolyp esepteledi.
Frantsııa quramasymen birge Ý.Lorıs 2018 jylǵy álem chempıonatynyń, 2021 jylǵy Ulttar lıgasynyń jeńimpazy atandy. Al Qatarda ótken sońǵy dúnıejúzilik dodada kúmis júldege ıe boldy.
Eske sala keteıik, budan buryn Dıde Deshamnyń Frantsııa quramasyn 2026 jylǵa deıin jattyqtyratynyn jazǵan edik.
Sondaı-aq Frantsııa fýtbol federatsııasy prezıdentiniń Zınedın Zıdanǵa qatysty sózinen daý shyqty.
Fýtboldan Portýgalııa quramasynyń bas bapkeri taǵaıyndaldy.
Foto - Shampionat.com.
