Kakaý ornyna Kaka keledi: Almatylyq «Qaırattyń» bas bapkeri aýysady
ASTANA. QazAqparat - Jeksenbi, 18 naýryz kúni Almatynyń «Qaırat» fýtzal klýby jańa bas bapkerdiń taǵaıyndalatyny týraly jarııalady, dep habarlaıdy QazAqparat sports.kz saıtyna silteme jasap.
Jalpykomandalyq keńeste klýb prezıdenti Qaırat Orazbekov 2017/2018 maýsymynyń sońynda bas bapker Kakaýnyń kelisimsharty aıaqtalatynyn málimdedi. «Qaırattyń» jańa bas bapkeri brazılııalyq Kaka bolmaq. Ol búginde «Gazprom-ıÝgra» reseılik klýbynyń bas jattyqtyrýshysy bolyp tabylady jáne ondaǵy qyzmetin Reseı chempıonatynan keıin aıaqtamaq. Kaka jańa jumysyna 2018/2019 jylǵy maýsymnan bastap kirisedi.
Eske salaıyq, Kakaý «Qaıratqa» 2013 jyldyń aqpanynan jetekshilik etti. Onyń basshylyǵyndaǵy klýb sońǵy bes jylda ÝEFA kýbogyn, Álemniń Sýperkýbogyn, Qazaqstannyń úsh Sýperkýbogyn, tórt Eremenko kýbogyn, Qazaqstannyń bes Kýbogyn jeńip aldy jáne bes ret Qazaqstan chempıony boldy.
Kakany almatylyq «Qaırattyń» bas bapkeri retinde resmı tanystyrý naýryz aıynyń sońynda ótedi.
Paýlo Rıkardo Fıgeıro Sılva (Kaka) Brazılııa azamaty. 1977 jyldyń 4 naýryzy kúni dúnıege kelgen. Bapkerlik mansaby: Ázerbaıjan ulttyq quramasy (2012 g), reseılik «Gazprom-ıÝgra» (2012 - 2018 jj).
