Kakaý Qazaqstan fýtzal quramasyna qaıta oraldy

ASTANA. KAZINFORM – Rıkardo Kamara Sobral (Kakaý) fýtzaldan Qazaqstan ulttyq quramasynyń jańa bas bapkeri bolyp taǵaıyndaldy.

54 jastaǵy mamannyń esimi Qazaqstan fýtzal jankúıerlerine jaqsy tanys. Ol buǵan deıin 2013-2018 jyldar aralyǵynda fýtzaldan Qazaqstan quramasyn jattyqtyrǵan.

Ulttyq qurama bilikti mamannyń jetekshiligimen 2016 jylǵy Eýropa chempıonatynyń qola júldesin ıelenip, tarıhı jetistikke qol jetkizdi.

Bul jolǵy taǵaıyndaý quramanyń aldaǵy halyqaralyq jarystarǵa daıyndyǵyn kúsheıtý maqsatynda júzege asyryldy. 

Aıta keteıik, Kakaý Qazaqstannan ketkennen keıin Italııanyń «Napolı», Rýmynııanyń «ıÝnaıted Galatı», Kýveıt, Irak jáne Birikken Arab Ámirligi quramalaryn jattyqtyrdy.

Buǵan deıin «Qaırat» fýtzal klýbynyń álemniń úzdik komandasy ataǵyna talasatynyn jazǵan edik.