Kaka fýtzaldan Qazaqstan ulttyq quramasynyń bas bapkeri qyzmetinen ketti
ASTANA. KAZINFORM - Paýlo Rıkardo Fıgeıro Sılva (Kaka) fýtzaldan Qazaqstan ulttyq quramasynyń bas bapkeri qyzmetinen ketti.
Brazılııalyq maman 2018 jyldan beri el quramasyn tizginin ustady. Sodan beri otandyq fýtzaldyń damýyna zor úles qosyp, onyń basshylyǵymen ulttyq qurama Eýropa men álemniń úzdik quramalarynyń qataryna qosyldy. Oıyny stıli men tártibi, sondaı-aq jumysty uıymdastyrý boıynsha jańa deńgeıge kóterildi.
2021 jyly Lıtvada ótken álem chempıonatynda Qazaqstan tarıhta alǵash ret jartylaı fınalǵa shyǵyp, tórtinshi oryn aldy. Bul jetistik ázirge elimizdiń fýtzal tarıhyndaǵy eń aıshyqty jetistik bolyp otyr.
2022 jyly Eýropa chempıonatynda pleı-off kezeńine shyqsa, al álem chempıonatynyń irikteýin senimdi ótti. Ózbekstanda ótken dodada Qazaqstan qaıtadan úzdik segiz quramanyń qatarynan kórindi.
Kaka bas bapker bolǵan kezeńde Qazaqstan quramasy álemdik reıtıngte rekordtyq kórsetkishke jetip, halyqaralyq moıyndaýǵa ıe boldy. Buǵan qosa, Kaka birneshe ret «Jyldyń úzdik bapkeri» ataǵyna úmitkerler qataryna endi.
Sporttaǵy eńbegi men Qazaqstan fýtzalynyń damýyna qosqan úlesi úshin Paýlý Rıkardo Kaka II dárejeli «Dostyq» ordenimen marapattaldy.
Eske salsaq, budan buryn fýtzaldan Chempıondar lıgasynyń elıtalyq kezeńine ózgerister engizildi.