Kaırdyń ortalyǵyndaǵy qaqtyǵysta úsh adam kóz jumyp, 600-den astamy jaralandy
ASTANA. 3 aqpan. QazAqparat - Sársenbi kúni Kaırdyń ortalyǵyndaǵy oppozıtsııa jaqtastary men prezıdent aınalasyndaǵy belsendilerdiń arasyndaǵy qaqtyǵys kezinde úsh adam kóz jumdy.
Bul týraly Mysyr telearnasynan densaýlyq mınıstri Ahmed Sameh Farıd málim etti, dep habarlaıdy ITAR-TASS.
Onyń aıtýynsha, taǵy da 639 adam zardap shekken. Sondaı-aq mınıstr aýrýhanaǵa jetkizilgenderdiń ishinde nemese dárigerlerdiń brıgadasyna kómekke júgingender arasynda oq tıip, jaralanǵandar joq ekendigin atap kórsetti
Qaıtys bolǵandardyń bireýi Tahrıra aýdanynda Hosnı Mýbaraktyń jaqtastary shabýyl jasaǵan kezde kópirden qulaǵan, qalǵandary ómirlik mańyzdy múshelerine (basyna, keýdesine, ishine) aýyr jaraqat alǵannan kóz jumǵan.
