Kaırdiń bir oramy ashyq aspan astyndaǵy murajaıǵa aınalýy múmkin
ASTANA. 2 mamyr. QazAqparat - Mysyr astanasy - Kaır megapolısindegi ál-Jamalııa oramy ashyq aspan astyndaǵy murajaıǵa aınalýy múmkin. Bul jaıynda Umma-Inform agenttigi al-Ayam-ǵa silteme jasaı otyryp, habar taratty.
Atalmysh qala oramynyń ıslamı eskertkishtermen aty shyqqanyn aıta ketý kerek. muslim.kz saıtynyń jazýynsha, Mysyrdyń kóne jádigerler mınıstrliginiń deregi boıynsha bul joba 8 mln dollarǵa baǵalanyp otyr.
Mınıstrlik ókilderiniń aıtýynsha, atalmysh qala oramy aspan astyndaǵy ashyq murajaıǵa aınalýy úshin meshitter, kúmbezder, munaralar, sýburqaqtar qalpyna keltirilýi tıis. Mundaı murajaı Kaırdiń ál-Mýızz lı Dın Allah kóshesinde de 2009 jyly ıÝNESKO-nyń atsalysýymen ashylǵanyn aıta ketý kerek.
Bul jobany Kýveıt pen Mysyr jáne Ekonomıkalyq damý qory qarjylandyrady. Osy maqsatta 1,2 mln dollar mólsherinde qarajat bóldi.
