Kaırdegi jarylysta zardap shekkenderdiń arasynda qazaqstandyqtar joq
ASTANA. 25 qańtar. QazAqparat - Mysyr astanasyndaǵy jarylysta qazaqstandyq azamattar zardap shekken joq, dep habarlaıdy QR IJTM Týrızm ındýstrııasy komıtetiniń baspasóz qyzmetinen.
Vedomstvonyń málimetinshe, 2014 jyldyń 24 qańtarynda Kaır qalasynda birqatar terrorlyq áreket oryn alyp, nátıjesinde birneshe adam qaza taýyp, ondaǵan adam jaralanǵan. Zardap shekkenderdiń arasynda Qazaqstan azamattary joq. Osy oraıda, komıtet Mysyrdaǵy qazaqstandyq azamattarǵa demalys aımaqtarynan alys ketpeýge jáne qylmys órship turǵan aýdandarǵa barmaýǵa keńes beredi.
