Kaırdegi tártipsizdikterdiń saldarynan 1 myńnan astam adam jaraqat aldy
ASTANA. 30 maýsym. QazAqparat - Kaırde manıfestshiler men polıtsııa kúshteriniń arasynda bolǵan qaqtyǵystyń saldarynan 1 myńnan astam adam jaraqat aldy.
Bul týraly Reuters agenttigi habarlady. Zardap shekkenderdiń ishinde 40 tártip saqshysy bar.
Kaırdegi tártipsizdikter seısenbi, 28 maýsym kúni bastalyp, sársenbi kúni de jalǵasty. Eks-prezıdent Hosnı Múbaraktyń áriptesteriniń ústinen qozǵalǵan ister boıynsha sottyń keıinge qaldyrylýy halyqtyń narazylyǵyn týǵyzyp otyr.
Esterińizge sala keteıik, jeksenbi, 26 maýsym kúni Kaır qylmystyq soty eldiń burynǵy ishki ister mınıstri Habıb ál-Adlı men qol astynda qyzmet etken alty adamnyń sotyn 25 shildege aýystyrǵan bolatyn.
