Kaırdegi qaqtyǵystarda zardap shekken adamdar sany bir myńǵa taıady
ASTANA. 21 qarasha. QazAqparat - Kaırda polıtsııa men sherýshiler qaqtyǵysynyń nátıjesinde zardap shekkenderdiń sany 928 adamǵa jetti, dep habarlady reseılik «Jańalyqtar» agenttigi. Bul týraly eldiń densatsýlyq saqtaý mınıstrligi málim etken.
Keshe qaqtyǵystar ІІM ǵımaratynyń aldynda jalǵasty. Shabýylshylar ǵımaratqa kirýge umtyldy, Polıtsııa mınıstrlikke aparatyn Mustafa Mahmýd kóshesin japty. Tahrır alańy sherýshiler qolynda qalyp otyr. Olar polıtsııaǵa tas laqtyrýda, al polıtsııa kózden jas aǵyzatyn gazben jaýap berýde. Olar aýdandy tolyǵymen bógep, avtomobıl qozǵalysyn toqtatty.
Birneshe myńdaǵan adam alańda sherý uıymdastyryp, armııa men qarýly kúshter joǵarǵy keńesiniń basshysy, marshal Huseın Tantaýıge qarsy urandandady. Olar áskerıler eldegi ótpeli kezeńde eldi turaqtylyqqa jetkize almady dep kinálaýda jáne bılikti azamattyq basshylyqqa berýdi talap etti. Keıbir sherýshiler áskerı keńesti shuǵyl taratyp, «eldi qutqarý jónindegi tótenshe úkimet qurýdy talap etýde.
