Kaırdegi qaqtyǵys basyldy
ASTANA. 27 qańtar. QazAqparat - Kaırde narazylyq sherýi bolyp jatqan Syrtqy ister mınıstrligi ǵımaratynyń mańynda eki adam qaza tapty.
"Bastapqyda bir polıtsııa qyzmetkeri men bir áıeldiń qaqtyǵys qurbandary bolǵany jaıly habarlanǵan bolatyn, biraq keıinnen eldiń Іshki ister mınıstrligi tártipsizdikter men bul eki adamnyń qazasynyń arasynda baılanystyń joq ekenin aıtyp, resmı málimdeme jasady", - dep habarlaıdy ITAR-TASS agenttigi.
«Syrtqy ister mınıstrligi ǵımaratynyń janynda shyn máninde narazylyq sherýi ótti, biraq polıtsııa qyzmetkeri men áıel jazataıym oqıǵanyń saldarynan qaza tapty - olardy mashına qaǵyp ketti. Bul qaıǵyly oqıǵanyń joǵaryda aıtylǵan qaqtyǵystarmen eshqandaı baılanysy joq», - delingen Іshki ister vedomstvosynyń habarlamasynda.
Keıinnen anyqtalǵandaı, kólik júrgizýshisi úlken jyldamdyqpen kele jatyp, adamdardy baıqamaı qalǵan. Jol-kólik oqıǵasynyń saldarynan taǵy bir mysyrlyq zardap shegip otyr.
Eldiń Іshki ister mınıstrliginiń aqparaty boıynsha, eki kúnge jalǵasqan tártipsizdikterdiń saldarynan tórt adam qurban bolǵan, jáne olardyń bári seısenbi, narazylyq sherýiniń birinshi kúni qaza tapqan: Sýetste - úsh demonstrant, Kaırde - bir polıtsııa qyzmetkeri kóz jumǵan. Sársenbi kúni eshqandaı kisi qurbandyǵy bolǵan joq»,- - dep habarlady vedomstvodan.
Mınıstrlik sondaı-aq Kaırde sársenbi kúni saǵat 22.00-den bastap komendanttyq saǵattyń engizilgeni týraly keıbir buqaralyq aqparat quraldarynyń aqparatyn teriske shyǵardy. «Bul málimet shyndyqqa sáıkes kelmeıdi», - dep habarlady Іshki ister mınıstrliginiń ókili.
