Kaırde jarylys kezinde 10 adam qaza tapty
ASTANA. QazAqparat - Egıpet astanasy Kaır qalasyndaǵy jarylys kezinde 10 adam qaza tapqan, sonyń 7-ýi polıtsııa qyzmetkeri de, úsheýi qarapaıym azamat, dep jazady newsru.com portaly. Budan basqa taǵy 13 mysyrlyq jaraqat alǵan.
Polıtseıler Haram aýdanyndaǵy turǵyn úıde tasalaǵan lańkester tobyn ustaý is-qımyldaryn júrgizdi. Polıtsııaǵa olardyń jarylǵysh zat daıyndap, saqtaǵany belgili bolǵan.
Oqıǵa ornyn kelgen ustaý toby páterge basyp kirgende, onda qoldan jasalǵan birneshe jarylǵyshty tapty. Bombalardy zalalsyzdandyrý kezinde onyń biri jarylyp, úlken qoparylys boldy.
Jarylys tolqyny ǵımarattyń aldyńǵy jaǵyn qıratty. Qazir tártip saqshylary oqıǵa bolǵan aýdandy qorshaýǵa alyp, mańaıdaǵy barlyq kóshelerdi jaýyp tastady. Mysyrdyń Іshki ister mınıstrligi jarylysqa «Aǵaıyndy musylmandar» tobynyń sodyrlary qatysty dep málimdedi. 
