Kaırde ushaqtaǵy evakýatsııalaý sharasy kezinde 3 adam zardap shekti
ASTANA. QazAqparat - Kaırde ushaqtaǵy evakýatsııalaý kezinde 3 adam zardap shekti. Oqıǵa áýejaıdan jetken órt dabyly týraly jalǵan habardan soń oryn alǵan, dep habarlaıdy TASS.
«Al-ıAým as-Sabıa» portalynyń habarlaýynsha, Nıgerııanyń Lagos qalasyna ushyp bar jatqan ushaqpen baılanysty tótenshe jaǵdaı qazannyń 2-si kúni tań ata bolǵan.
Jolaýshylardyń zattaryn qoıatyn bólmeni zararsyzdandyrý jumystary kezinde dabyl iske qosylǵan. Bortta 86 jolaýshy bolǵan. Zardap shekkender aýrýhanaǵa jetkizildi. Qalǵan jolaýshylar Nıgerııaǵa ózge ushaqpen ushyp ketti.
Aıta keteıik, ushaqtaǵy zararsyzdandyrý jumystary Afrıka memleketterine qatynaıtyn kezde mindetti túrde júzege asyrylatyn shara.
