Kaırde turǵyn úıdiń opyrylyp túsý oqıǵasy: Qaza tapqan adam sany 22-ge jetti
KAIR. QazAqparat – Senbi kúni Kaırde kópqabatty turǵyn úıdiń opyrylyp túsýi saldarynan qaza tapqandar sany 22 adamǵa jetti, dep habarlaıdy QazAqparat Extra News telearnasyna silteme jasap.
Buǵan deıin 18 adamnyń qaıtys bolǵany týraly aqparat jarııalanǵan edi. Úsh adamnyń tabylmaı jatqany aıtylǵan. Olardy izdeý jumystary jalǵasyp jatyr. 25 adam qutqaryldy.
Qaıǵyly oqıǵa túnde el astanasynyń shyǵysyndaǵy Gısr-es-Sýeıs atty halyq tyǵyz ornalasqan aýdanda boldy.
Qutqarýshylar kúni boıy tiri qalǵandardy izdep, arnaıy tehnıkanyń kómegimen úıindilerdi bólshektedi. Keshke mamandar kórshi ǵımarattardyń qurylymdaryna tónetin yqtımal qaýipti anyqtaý úshin qulaǵan 10 qabatty ǵımaratqa jaqyn ornalasqan ǵımarattardy tekserýge kiristi.
Aldyn ala málimetter boıynsha, úı ıesi ústińgi alty qabatty zańsyz qosyp salǵan. Bastapqyda, 2011 jyly salynǵan úıde, tórt qabat bolǵan. Kýágerlerdiń aıtýynsha, birneshe kún buryn birinshi qabatta ornalasqan dúkende onyń ıesi qabyrǵalardy tesip, birneshe tirek baǵandaryn buzyp, qaıta salýdy bastaǵan.
Buǵan deıin Kaırdegi aýdandardyń birinde ornalasqan kópqabatty turǵyn úı opyrylyp túskeni jaıly habarlaǵan bolatynbyz.
