Kaırde tabylǵan 8 metrlik músin perǵaýyn Ramzes II bolmaı shyqty
ASTANA. QazAqparat - Ǵalymdar taıaýda Kaırde tabylǵan 8 metrlik músin perǵaýyn Ramzes II emes, jańa dáýirge deıin VII ǵasyrda basqarýshy bolǵan ejelgi áýletten shyqqan Psammetıha I bolýy múmkin ekenin anyqtady.
Bul týraly beısenbide Mysyr astanasynda baspasóz máslıhatynda habarlady.
Músin Kún shirkeýi ornalasqan orynnan tabyldy.
«Músinniń kólemi ejelgi mysyrdyq shirkeý mólsherin kórsetedi. Músin 8 metr bolsa, onda shirkeý qaqpasy kem degende on bes metr. Bul osy orynda úlken bas shirkeý bolǵanyn bildiredi», - dedi Al-Matarııa kóne zattardy zertteý departamentiniń dırektory Haled Abý Alela.
Mysyr jáne nemis arheologtary kóp jyldan beri sol jerde birlesken qazba jumystaryn júrgizýde. Bul jerden Ramzes II kóptegen beıneleri tabylǵan. Sondyqtan da bastapqyda músindi osy perǵaýyn dep boljaǵan.
Bolashaqta jádiger 2018 jyly ashylatyn Úlken Mysyr murajaıynyń Uly pıramıdasyna jetkiziledi.
