Kaırde polıtseılermen bolǵan qaqtyǵysta 22 fýtbol jankúıeri ajal qushty
ASTANA. QazAqparat - Kaırdiń shyǵysynda polıtseılermen bolǵan qaqtyǵysta 22 fýtbol jankúıeri ajal qushty, dep habarlady Mysyrdyń bas prokýrorynyń baspasóz qyzmetinen.
Bul týraly RIA «Novostı» jazdy.
Qaqtyǵys jeksenbi kúni keshki ýaqytta el astanasynyń Tagammý Hamıs aýdanyndaǵy "PVO" stadıonynda mysyrlyq "Zamalek" pen "Inbı" fýtbol klýbtarynyń kezdesýine az ýaqyt qalǵanda bolǵan. Qaza tapqandardyń barlyǵy "Zamalektyń" jankúıeri bolǵan. Polıtsııa kózdi jasaýratatyn gaz qoldanǵan.
Mysyr ІІM basshysynyń qoǵammen baılanys boıynsha kómekshisi Abdelfattah Ýsman osyǵan deıin toǵyz adam qaza tapqanyn aıtqan. Onyń sózine qaraǵanda, bıleti joq jankúıerler stadıonǵa kirmek bolǵan. Mysyr ІІM bul polıtseılerdiń jankúıerlerdi stadıonǵa kirgizbes úshin osyndaı sharalar qoldanýǵa májbúrlegenin aıtty.
Saldarynan oıyn shamamen 40 mınýtqa kesh bastaldy.
