Kaırde qazaq tili tuńǵysh ret mamandyq retinde oqytyla bastady

ASTANA. QazAqparat - Qazaqstandyq týrıster Mysyr ýnıversıtetterinde qazaq tilin oqytýǵa túrtki boldy. Bul týraly búgin QR Syrtqy ister mınıstrligindegi brıfıngte Qazaqstanyń Mysyrdaǵy Tótenshe jáne Ókiletti Elshisi Arman Isaǵalıev aıtty, dep habarlaıdy QazAqparat tilshisi.

«Arab áleminde tuǵysh ret 2018-2019  oqý jylynan bastap mysyrlyq joǵary bilimniń flagmany bolyp tabylatyn Kaır ýnıversıtetiniń ádebıet fakýltetine qazaq tili  mamandyq retinde oqytylatyndyǵyn atap ótkim keledi. Bul Mysyrǵa baratyn qazaqstandyq týrısterdiń artýy nátıjesinde oryn alyp otyr. Aldaǵy ýaqytta Mysyrdyń Ál-Asqar syndy birqatar ýnıversıtetinde qazaq tili mamandyq retinde oqytylady dep kútilýde»,-  dedi Arman Isaǵalıev.

Jalpy Elshiniń atap ótýinshe, Qazaqstan men Mysyr arasyndaǵy bilim jáne ǵylym salasyndaǵy yntymaqtastyq ta jandana túsýde.

«Ózderińiz bilesizder, Almatyda «Nur Múbárak» dep atalatyn qazaq-mysyr dinı ýnıversıteti bar. Jaqynda osy ýnıversıtettiń qamqorshylyq keńesiniń 7-shi otyrysy ótti. Shara nátıjesinde ýnıversıtet Qazaqstanǵa syı retinde tartý etildi jáne bilim ordasynyń ataýyn «Nur Múbárak» qazaq-mysyr ıslam mádenı ýnıversıteti  dep ózgertý jáne rektorlardy kezekpen taǵaıyndaý týraly sheshim qabyldandy. Buryn rektordy Mysyr tarapy taǵaıyndaıtyn», - dedi ol.