Kaır vokzalyndaǵy órt: 25 adam mert bolyp, 50-den astamy zardap shekti
ASTANA. QazAqparat - Kaır qalasyndaǵy Mysyrdyń iri temirjol stansasy - Ramses vokzalynda órt shyqty. Saldarynan kem degende 25 adam mert bolyp, 50-den astamy zardap shekti, dep habarlaıdy bbc.com.
Qutqarýshylardyń deregi boıynsha, jolaýshylar poıyzy platformamen soqtyǵysyp, onyń sońy órtke ulasqan. Kýágerler jarylys daýsyn estigen.
Qaza tapqandar sany artýy múmkin, dep habarlaıdy Assoshıeıted press dárigerlerge silteme jasap.
Agenttiktiń deregi boıynsha, órt Ramses vokzalyna kelgen júrdek poıyzynyń janarmaı bagy jarylǵannan keıin shyqqan.
Oqıǵa ornynda qoıý tútin kórinip tur. Apat bolǵan jerge ondaǵan jedel járdem kóligi, qutqarýshylar men órt sóndirýshiler kelgen.
