Kaır soty Mysyrdyń burynǵy prezıdenti Hosnı Mýbarakqa qatysty aqtaý úkimin shyǵardy
ASTANA. 16 sáýir. QazAqparat - Kaır soty Mysyrdyń burynǵy prezıdenti Hosnı Mýbarakqa 2011 jylǵy ereýilshiler isine qatysty aqtaý úkimin shyǵardy. Alaıda ol bostandyqqa shyqpaıdy, óıtkeni oǵan qatysty sybaılas jemqorlyq boıynsha taǵy eki is qozǵalǵan.
Bul týraly «Ýtro.rý» habarlaıdy.
Esterińizge sala keteıik, 2011 jyly aqpan aıynda bılikten alastatylǵan Mýbarak bastapqy kezde bostandyqta júrdi. Biraq kóp uzamaı ony ereýilshilerdi óltirý jáne jemqorlyq aıyptary boıynsha jaýapkershilikke tartty. Sot 2012 jyly jazda ótken bolatyn. Búkil eldiń nazary osy iske aýdy. Ólim jazasyna kesý kerek degen usynystarǵa qaramastan, sot oǵan ómir boıy bas bostandyǵynan aıyrý jazasyn qoldandy.
