Kaır áýejaıynda júk ushaǵynda shyqqan tútin saldarynan tótenshe jaǵdaı jarııalandy
ASTANA. QazAqparat - 12 naýryzda keshke qaraı Kaırdiń halyqaralyq áýejaıynda Germanııadan oralǵan júk laıneriniń bortynda tútin shyqqandyqtan tótenshe jaǵdaı jarııalandy. Bul týraly reseılik vesti.ru habarlady.
Áýe aılaǵy ákimshiliginiń ókilderiniń túsindirýinshe, EgyptAir áýe kompanııasyna tıesili júk ushaǵy qonýǵa bet alǵan kezde laınerdiń aldyńǵy jaǵynan tútin shyqqan. Osy jaǵdaıdy kórip qalǵan dıspetcherlik munaradaǵylar jerdegi qyzmet ókilderine habarlaǵan. Ushaq tótenshe jaǵdaılarda qonatyn jolaqqa jiberiledi. Ushaq qonǵan kezde ony jerde birneshe órt sóndirýshi mashına men jedel járdem kútip aldy. Ushaq jerge sátti qondy.
Keıin mamandar tútinniń shyǵý sebebin anyqtady. Oǵan ushqyshtar kabınasynda baqylaý paneliniń aqaýy sebepshi bolǵan. Oqys oqıǵadan eshkim zardap shekpedi.
