«Kaır-Almaty» baǵyty boıynsha eki reıspen 206 adam shyǵaryldy - QR SІM
ASTANA. 3 aqpan. QazAqparat - Syrtqy ister mınıstrligi men Tótenshe jaǵdaılar jónindegi mınıstrliktiń birlesken sharalarynyń barysynda 1-2 aqpanda Egıpette júrgen qazaqstandyqtardyń eleýli bóligi elderine oraldy. «Kaır-Almaty» baǵyty boıynsha eki reıspen 206 adam, onyń ishinde Tájikstannyń úsh azamaty shyǵaryldy, dep habarlaıdy QR SІM baspasóz qyzmeti.
Egıpettegi QR elshiliginiń qyzmetkerleri otandastarmen baılanys ornatýǵa, elden ketýshilerdiń tizimin jasaý, arnaıy reısterdiń kelýin jáne ketýin úılestirýge, qujattyq baqylaýdan ótkizý jáne bortqa otyrǵyzýda eleýli jumys atqardy.
Elshiliktiń barlyq dıplomatııalyq quramy men birqatar tehnıkalyq quram (barlyǵy 12 adam) Kaırdegi óz jumys oryndarynda otyr jáne óziniń qyzmettik mindetterin atqarýdy jalǵastyrýda. Atap aıtar bolsaq, qandaı da bir sebeptermen Egıpette qalyp otyrǵan azamattarǵa qoldaý kórsetýge qatysty jumystardy atqarýda. Qajet bolǵanda, qazaqstandyq tarap tıisti kómek surap dostas memleketterge júginedi.
Egıpettegi qazirgi qalyptasqan jaǵdaıǵa baılanysty QR SІM jaǵdaıdy turaqtandyrǵansha osy elge kelmeý týraly qazaqstandyqtarǵa arnalǵan usynymyn 14 aqpanǵa deıin uzartyp otyr.
