Kahramanmarashta zilzaladan zardap shekkender daýyl astynda qaldy

ASTANA. QazAqparat – Túrkııanyń ońtústik-shyǵysyndaǵy Kahramanmarashta daýyl turyp, bir adam qaza tapty jáne 44 adam jaraqattandy. Aqpan aıyndaǵy zilzaladan zardap shekkender turatyn shatyrlar da búlingen, dep habarlaıdy QazAqparat tilshisi TRTHABER-ge silteme jasap.

Alapat daýyl qatty burshaq jaýǵan aýdan ortalyǵynda paıda boldy. Memısh Ózdal aýdanyndaǵy tornado keıbir úılerdiń shatyryna zaqym keltirgen.

Tornado saldarynan bir adam qaza taýyp, 44 adam jaraqat aldy. Ol jer silkinisine baılanysty ornatylǵan shatyrlar men konteınerlerge de áser etken. Aýdandaǵy keıbir kólikterdiń tóńkerilgeni de baıqalady.

Aımaqqa jiberilgen jandarmerııa desantshylarynyń jasaqtary zardap shekken aýdandarda jumys isteı bastady.

Pazardjıktiń úılestirýshi gýbernatory jáne Kyrykkale gýbernatory Bıýlent Tekbııkoglý jer silkinisinen zardap shekkender múmkindiginshe tezirek basqa shatyrlar men konteınerlerge ornalastyrylatynyn aıtty.

«Saǵat 16:00-degi jaǵdaı boıynsha bizdiń aýdanda burshaq jaýdy, sońy quıynǵa ulasty. Zardap shekken 6 adamnyń jaǵdaıy anaǵurlym aýyr, ekeýi asa aýyr jaǵdaıda. Shamamen 170 shatyrǵa zaqym kelgen. Olardy aýystyryp, qaıta qurýdy josparlap otyrmyz», - dedi ol.