«Qaharmandar» qoǵamdyq qorynyń Aqmola oblystyq fılıaly ashyldy
KÓKShETAÝ. QazAqparat - Aqmola oblysynda «Qaharmandar» qoǵamdyq qorynyń tanystyrylymy ótti, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Qordyń basty maqsaty - Qazaqstannyń táýelsizdigi jolynda kúresip, zardap shekken tulǵalardy eske alý jáne olardyń atqarǵan eńbekterin nasıhattaý. Sharaǵa ǵalymdar jáne qoǵam ókilderi qatysty.
«Elbasy N.Nazarbaevtyń «Máńgilik El» strategııasy, «Rýhanı jańǵyrý» baǵdarlamasy jáne «Uly dalanyń jeti qyry» maqalasy sheńberinde Qazaqstannyń Táýelsizdigi jáne terrıtorııasynyń tutastyǵy úshin kúresken qazaqstandyqtardy eske alý jáne aqtaý, olardyń esimderin halyq arasynda dáripteý rýhanı jańǵyrýdyń mańyzdy kezeńi bolyp tabylady», dedi jıynda sóılegen Aqmola oblysynyń ishki saıasat basqarmasynyń basshysy Gúljanar Shókeeva.
Qordyń qurylýyna akademıkter Mámbet Qoıgeldıev, Dıhan Qamzabekuly, ǵylym doktorlary Búrkit Aıaǵan, Zııabek Kabýldınov, Talas Omarbekov, Amangeldi Aıtaly, Seıdahmet Quttyqadam sııaqty otandyq ǵalymdar men qoǵam qaıratkerleri uıytqy boldy.
Qordyń qamqorshylyq keńesiniń tóraǵasy retinde belgili memleket jáne qoǵam qaıratkeri Orlabaı Ábdikárimov saılandy.
Qor prezıdenti, QR Parlamentiniń eks-depýtaty, QR Joǵary sotynyń eks-sýdıasy Sabyr Qasymov uıymnyń aldaǵy turǵan mindetteri týraly aıtyp berdi.
Onyń sózinshe, Otan úshin ártúrli ult ókilderiniń jasaǵan batyrlyǵy men erligin dáripteý arqyly ósip kele jatqan jas urpaqqa patrıottyq tárbıe berý mańyzdy.
Kezdesýde jınalǵandar ózderiniń oılaryn aıtyp, jańadan qurylǵan qoǵamdyq qordyń jumys formatyna ózderiniń usynys - tilekterin bildirdi. Ásirese, zertteý jumystaryn tarıhtyń aqtarylmaı jatqan qupııasy kóp aýyldyq eldi - mekenderde júrgizý máselesi aıtyldy.
Budan bólek, «Qaharman» qoǵamdyq qorynyń Aqmola oblystyq fılıalynyń basshysy saılandy. Buǵan jınalǵandar ashyq daýys berý arqyly Kókshetaýdaǵy M.Ǵabdýllın murajaıynyń dırektory Qudaıberli Myrzabektiń kandıdatýrasy laıyq dep sheshti.
