Qaǵbanyń qulpy aýystyryldy (FOTO)
ASTANA. 5 qazan. QazAqparat - Shırek ǵasyrdan astam ýaqyt boıy, ıaǵnı, 30 jyl boıy qasıetti Qaǵba úshin paıdalanylǵan qulyp aýystyryldy, dep habarlaıdy muslim.kz.
«Korol Abdýlazızdyń ǵylym jáne tehnologııa ortalyǵy osy máseleniń tehnıkalyq jaǵyn tekserip kórý jóninde tapsyrma aldy»,- dep habarlady qasıetti eki meshittiń bas basqarmasy.
«Zertteý nátıjesi kórsetkendeı, esikke jańa qulyp pen 18 karat altyn qajet ekeni anyqtaldy»,- dep aıtylǵan málimdemede.
Jańa qulypty qasıetti Qaǵbanyń aǵa shyraqshysy - sheıh Ábdiqadyr ásh-Shaıbıdiń qolyna ustatty.
Saýd Arabııasynda Qaǵbany jýý, kısýasyn jáne qulpyn aýystyrý, t.b. sharýalardyń qashan atqarylatynyn korol soty aldymen shyraqshyǵa habarlaıdy. Qasıetti Qaǵbanyń kilti de shyraqshynyń qolynda bolady. Ol jylyna eki márte paıdalanylady - alǵashqyda Muharram aıynda, ekinshisinde - Shaǵban aıynda.
Paıǵambarymyz Muhammed Mustafa (Allanyń sálemi men ıgligi jaýsyn) Qaǵbanyń kiltin Osman bın Talhaǵa ustatqan bolatyn. Sodan beri Qaǵbanyń kilti Talhanyń urpaqtary ustaıtyn boldy. Keıin kiltti ásh-Shaıba otbasyna ótti.
