Qaǵbany taýap etýshiler úshin taǵy bir qabat jol salynyp jatyr
ASTANA. 17 shilde. QazAqparat - Qajylyq kezinde Qaǵbany taýap etýshilerdiń sany artyp, kóp adam Haram meshitiniń aýlasyna syımaı jatady. Osyny eskergen Saýd Arabııasynyń bıligi taýap úshin ekinshi qabat retinde sheńber tárizdi jol salyp jatyr. Bul týraly muslim.kz saıty habarlady.
Qazirgi ýaqytta qurylys orta beline kelip qaldy. Osy jylǵy qajylyqta qajylar Qaǵbany táý etkende osy qabatty paıdalanatyn bolady.
Qabattyń dıametri - 94 metr, al eni - 12 m. Qabattyń jalpy aýdany 3000 sharshy metrge jetedi. Qurylymnyń jalpy salmaǵy 2 tonnany quraıdy. Bıiktigi - 2,7 m. Onyń shyǵar esigi de bólek bolady.
Sáýletshilerdiń jobasy boıynsha bul qurylǵy ál-Haramnyń ishki aýlasyna túsetin kúshti edáýir azaıtady ári qajylyq kezindegi jazataıym oqıǵalardyń azaıýyna septigin tıgizedi.
