Qaǵbany aınalatyndarǵa arnalǵan mataf buzylatyn boldy
ASTANA. QazAqparat - Qasıetti Mekkedegi Qaǵbanyń janyndaǵy kóp qabatty aınalma matafty (qajylar Qaǵbany aınalý kezinde júretin keńistik) buzý týraly sheshim qabyldandy. Bul qasıetti jerdiń aýmaǵyn keńeıtý úshin jasalyp jatqan shara.
NEWSru Israel-diń habarlaýynsha, qurylys kezinde tıisti qaýipsizdik sharalary saqtalýda. Oǵan meshit kúzetshileri, azamattyq qorǵanys kúshteri, qutqarýshylar, sonymen qatar tehnıkalyq qyzmetkerlerdiń qatysýda.
Mekke Vakfasynyń habarlaýynsha, Ramazan aıy qarsańynda jańa kópqabatty galereıa boı kóteredi. Onyń tómengi qabaty arbaǵa tanylǵan múgedekterge, ekinshisi - toqpen júretin arbamen qozǵalatyndarǵa, qalǵan qabattar ózdiginen júre alatyn adamdarǵa arnalady.
Jańa ǵımarattyń ótkizý qýaty - saǵatyna 117 myń adam dep eseptelinip otyr.
Eske sala ketsek, Qaǵba 4 qabat aınalma matafpen (qajylar Qaǵbany aınalý kezinde júretin keńistik) qorshalý josparlanǵan. Byltyr kúzde qurylystyń 3 qabaty salynyp bitken. Ál-Qurashı ál-Haram meshiti saǵatyna 114 000 adamdy qabyldaı alady.
