Qaǵazdan jasalǵan jaqut satqan
ASTANA. 16 shilde. QazAqparat - Pıramıdalar týraly ańyz ben aqıqat búkil gazet bitkenniń betin jaýlap alsa da, tegin ettiń tek tyshqanaýlaǵyshta ǵana bolatynyn keıbireýler áli de túsine almaı keledi.
Sonyń saldarynan qaltasynan qaǵylyp, quzyrly organdarǵa aryzdy qarsha boratyp júrgenderi. Biraq, amal qansha, qaltaqaqqysh qýlar jemsaýyn toltyryp alǵan soń, tabanyn jaltyratyp otyrady. Olardy qaqpanǵa iliktirý de ońaı emes, dep jazady «Alash aınasy» basylymy.
Jýyrda Jambyl oblystyq prokýratýrasy Daimond Rewards jaqut pıramıdasy qyzmetiniń jolyn kesti. Oblystyq prokýratýra bergen málimetke súıensek, atalǵan kompanııa eki jyl boıy tarazdyq turǵyndardy «aýlaýmen» aınalysqan. ıAǵnı ınternet arqyly gaýhar jáne jaqut tastaryn satqan. Tek ınternet paraqshalarynda ǵana. Aty bar da zaty joq kompanııanyń tirligi de tyndyrymsyz. Olar ǵalamtor arqyly torlaryna 40-tan astam tarazdyqty túsirip úlgeripti. Olar kópshilikke tanys pıramıda úlgisimen jumys istegen. ıAǵnı astyndaǵylar ústindegilerin baıytýmen bolǵan. Ańqaý azamattar ınternette tirkelgen bıznes-oryndy 350 AQSh dollaryna satyp alýy tıis. Sonymen qatar olarǵa taǵy da osyndaı somada qarjy quıatyn eki adamdy tartý mindettelgen. Tergeýden keıin málim bolǵanyndaı, qazirgi ýaqytta kompanııaǵa 150 myń teńgege deıingi kólemde qarjy salǵan 40-tan astam salymshynyń bolǵandyǵy belgili bolyp otyr. Bul pıramıdanyń jumysy tym-tyrys júre berer me edi, kim bilgen, eger salǵan aqshasyn qaıtara almaǵan bir turǵyn aryzdanbaǵanda. Búginde oblystyq prokýratýra Daimond Rewards kompanııasynyń is-áreketine qatysty qylmystyq is qozǵady. Qylmystyq is tergelý úshin qarjy polıtsııasy organdaryna jiberildi. Tergeý bitken soń áli de biraz bylyq-shylyqtyń belgili bolatyn túri bar.
