Qaǵazben esep júrgizgendi qoıý kerek — Oljas Bektenov
ASTANA. KAZINFORM — Premer-mınıstr Oljas Bektenov Úkimet otyrysynda aýyl sharýashylyǵyndaǵy derekter bazasy eski tásilmen jumys isteıtinin synady.
— Aýyl sharýashylyǵynyń biryńǵaı esepke alý júıesindegi jáne janýarlardy sáıkestendirýdiń aqparattyq júıesindegi derekter eskirgen. Keıbir rásimder áli kúnge deıin qaǵaz formatta júzege asyrylady.
Osyǵan baılanysty Aýyl sharýashylyǵy jáne Tsıfrlyq damý mınıstrlikteri jyl sońyna deıin janýarlar men mal sharýashylyǵy ónimderiniń qozǵalysyna qatysty barlyq protsesti 100 paıyz tsıfrlandyrý qajet, — dedi ol.
Sondaı-aq, ol úzdiksiz qadaǵalap otyrý júıesin engizip, derekter bazalarynyń bárin biryńǵaı tsıfrlyq platformaǵa ıntegratsııalaýdy tapsyrdy.
Aıta keteıik, ótken aıda aýyl sharýashylyǵy sanaǵynyń úılerdi aralaý (lıstıng) kezeńi aıaqtalǵanyn jazǵan edik.