Kafeler men ashanalarǵa qandaı jaǵdaıda aıyppul salynady — TJM túsindirmesi
ASTANA. KAZINFORM — Tótenshe jaǵdaılar mınıstri Murat Muhanov turǵyn úılerdiń birinshi qabatyndaǵy qoǵamdyq tamaqtaný oryndarynda órt qaýipsizdigin qamtamasyz etý sharalary jóninde málimdedi.
Onyń sózinshe, mınıstrlik qyzmetkerleri atalǵan nysandardy aralap, tekseredi. Sondaı-aq, mekeme basshylarymen áńgimelesip, olarǵa órt qaýipsizdigi talaptaryn túsindiredi ári oqý-jattyǵý jumystaryn júrgizedi.
Eger qandaı da bir zańbuzýshylyqty baıqasa, Tótenshe jaǵdaılar departamentine turǵyndar da júgine alady. Mınıstrdiń aıtýynsha, TJM azamattardan ótinishin qarastyryp, shaǵym túsken nysandardy tekseredi.
— Atalǵan zańbuzýshylyqtar rastalǵan jaǵdaıda ákimshilik sharalar qoldanylady. Sondaı-aq, olardy joıý boıynsha naqty merzim belgilenip, nusqamalar beriledi, — dedi Murat Muhanov Úkimet otyrysynan keıingi brıfıngte.
Onyń málimdeýinshe, zańbuzýshylyqqa jol bergen obektilerge aıyppul salynady. Nusqamada kórsetilgen merzim aıaqtalǵannan keıin, Tótenshe jaǵdaılar mınıstrligi jospardan tys tekserý júrgizedi. Eger anyqtalǵan zańbuzýshylyqtar joıylmasa, mekemeniń jumysy sot sheshimi arqyly ýaqytsha toqtatylýy múmkin.
Aıta keteıik, buǵan deıin jeke úılerge órt jáne ýly gaz datchıkterin ornatý jumystary qalaı júrip jatqanyn jazǵanbyz.
