Kafede janjaldasqan saıramdyq sheneýnik pen polıtseıge qatysty qyzmettik tekserý bastaldy
Áleýmettik jelide laýazymdy tulǵalardyń kafede eregisip jatqandyǵy týraly vıdeo tarady. Onda tórt-bes jigittiń bir-birine bylapyt sózder aıtyp, tóbelespek bolǵandaryn kórýge bolady. Keı aqparat quraldary vıdeodaǵy azamattar Saıram aýdany, Aqsýkent aýyldyq okrýgi ákiminiń orynbasary Erlan Orazbaev pen Saıram aýdandyq anyqtaý bóliminiń bastyǵy Nurjan Sultanbaev jáne Saıram AІІB anyqtaý bóliminiń qyzmetkeri Rýslan Qaınarov ekendigin jazýda.
Búgin Túrkistan oblysy polıtsııa departamentiniń baspasóz qyzmeti oqıǵaǵa qatysty, pikir bildirdi.
«Bul oqıǵanyń Saıram aýdanynda bolǵany anyqtaldy. Beınejazbadaǵy janjal Túrkistan oblysy Polıtsııa departamentiniń nazaryna alynyp, qyzmettik tekserý jumystary bastaldy. Qosymsha mán-jaı habarlanatyn bolady» - delingen habarlamada.
Al, Túrkistan oblysy ákimi baspasóz qyzmetiniń jetekshisi Mıra Múslim de aýyldyq ákim orynbasaryna qatysty qyzmettik tekserý júrgizilip jatqanyn jetkizdi. Aqsýkent aýyldyq okrýgi ákiminiń orynbasary Erlan Orazbaev densaýlyq jaǵdaıyna baılanysty emdelip jatqandyqtan, ázirge naqty sheshim qabyldanbaǵan.