Qadyrov Sheshenstan Úkimetin otstavkaǵa jiberdi
ASTANA. 18 mamyr. QazAqparat - Búgin Sheshenstan Respýblıkasynyń basshysy Ramzan Qadyrov el Úkimetin tolyq quramda otstavkaǵa jiberýdi uıǵardy. Bul týraly BNews.kz jazdy.
«Mınıstrler kabıneti úlken jumystar atqardy, kúrdeli mindetterdiń sheshimin tapty. Jalpy alǵanda úkimettiń jumysyna kóńilim toldy. Degenmen ýaqyt ornynda turmaıdy, aldymyzda jańa mindetter, jańa problemalar tur. Árıne, olardy sheshý úshin jańa tásil, jańa strategııa jáne jańa taktıka kerek. Osy mindetterdi sátti iske asyrý úshin Úkimet quramyna ózgerister engizý qajet. Sondyqtan men tıisti qujatqa qol qoıdym jáne búgingi kúnnen bastap respýblıka Úkimeti otstavkaǵa ketedi», - dep RBK R.Qadyrovtyń sózinen úzindi keltiredi.
Ol Úkimet múshelerine jańa Mınıstrler kabıneti qurylǵanǵa deıin óz mindetterin oryndaýdy tapsyrdy. R.Qadyrov Úkimette onyń qyzmet tıimdiligi men jedeldigin arttyrýǵa baǵyttalǵan qurylymdyq jáne kadrlyq ózgerister bolatynyn atap ótti.
