Qadyrov Máskeý Sobor meshitine Muhammed paıǵambardyń shashyn syıǵa tartpaq
ASTANA. QazAqparat - Sheshenstan basshysy Ramzan Qadyrov jańa Máskeý Soborlyq meshitine Muhammed paıǵambardyń shashyn syı retinde tapsyrmaq, dep habarlaıdy «Interfaks» Reseı musylmandary dinı basqarmasynyń baspasóz qyzmetine silteme jasap.
«Arnaıy kapsýlaǵa salynǵan, brondalǵan áınekpen qorǵalǵan asa qasıetti zat aıryqsha saltanatty jaǵdaılarda ǵana meshitke kelýshilerdiń nazaryna usynylatyn bolady»,-dep habarlaıdy basqarmadan.
Sondaı-aq Soborlyq meshittiń ashylý saltanatyna qatysqan Qadyrov qasıetti zatty astanaǵa jeke ózi ákeletindigi atap ótilgen.
Eske sala ketsek, on jyldaı ýaqyt boıy qaıta jańǵyrtylǵan meshittiń bıiktigi alty qabat, bir ýaqytta 10 myń adam qulshylyq ete alady.
