Qadyrdyń jazǵan óleńderiniń ishinde áli jaryq kórmegenderi kóp - Orazaqyn Asqar
«Qadyr meniń qalamdas qurdasym edi. Ol: «Men týraly jazsyn» - dep meni artyna qaldyryp ketken sııaqty. Qadyrdyń ádebıetke sińirgen eńbegi ushan-teńiz. Ol eń aldymen balalar týraly jazdy. Al balalar týraly jazý óte qıyn! Qadyr bul synnan súrinbeı ótti. Keıin ádebıettiń barlyq salasynda qalam terbedi. Kózi tirisinde 18 tomy jaryq kórdi. Biraq, Qadyrdyń jazǵan dúnıeleriniń áli jaryq kórmeı jatqandary qanshama! Ol kem degende 40 tomnan asýy múmkin. Óıtkeni, Qadyr «Meniń aýdarmalarymnyń ózi 20 tom bolady» - deıtin. Shynynda solaı edi. Ol talaı eldiń aqyndaryn qazaqsha jyrlatty. Eger Qadyrdyń jazǵan shyǵarmalaryn basqa tilderge aýdarar bolsa, ol dúnıejúzilik dárejedegi aqyn bolary aqıqat», - dedi belgili aqyn Orazaqyn Asqar.
Qadyr Myrza Áliniń óte eńbekqor aqyn bolǵany jurt aýzynda ańyz bolyp aıtylatyny belgili. Muny Orazaqyn Asqar da rastady.
«Qadyr óte ónimdi jazdy. Basqa aqyndar qalamsappen, jazý mashınkasynda nemese kompıýterde jazsa, ol kádimgi qaryndashpen jazatyn. «Óıtkeni óte yńǵaıly, turyp ta, otyryp ta, jatyp ta jaza beremin», - deıtin ol. Onyń ádebıettiń ár túrli salalaryna arnap jazǵan, jippen býylǵan, áli jaryq kórmeı, teń-teń bolyp qattalǵan qoljazbalaryn óz kózimmen kórgenmin», - dedi Orazaqyn Asqar.
Búgingi keshte Qazaqstanǵa belgili estrada juldyzdary Qurmanǵazy atyndaǵy Qazaq memlekettik akademııalyq halyq aspaptary orkestriniń súıemeldeýimen Qadyr Myrza Áliniń óleńine jazylǵan ánderdi shyrqap, jınalǵan jurtshylyqtyń rızashylyǵyna bólendi.
Sonymen qatar, kesh aıasynda Ulttyq kitaphanada Qadyr Myrza Áliniń ómiri men shyǵarmalaryna arnalǵan «Zerdeli jyrdyń zergeri» atty kitap kórmesi uıymdastyryldy.