Kadrlyq saıasatqa erekshe nazar aýdarý qajet - N. Nazarbaev
ASTANA. 17 sáýir. QazAqparat /Qanat Mámetqazyuly/ - Búgin Úkimette ótken keńeste Memleket basshysy Nursultan Nazarbaev elimizdegi kadrlyq saıasatqa erekshe nazar aýdaryp, osy baǵyttaǵy jumysty jandandyrýǵa, kadrlyq rezervterdi jasaqtaýǵa nazar aýdartty.
«Búgingi kúni kadrlyq saıasatqa erekshe nazara aýdarýymyz kerek. Esterińizde bolsa, bizdiń táýelsizdigimizdiń alǵashqy jyldary men bizdiń bastamalarymyzdy kimniń jalǵastyratynyn, murattarymyzdy ómirge endiretin kimder ekendigin oılaýmen boldym. Sondyqtan da, barshańyzǵa belgili qadamdar jasaldy. Al bizdiń ákimder men mınıstrler bul baǵytta naqty ne atqaryp jatyr? Nege óńirlerde basqarýdyń jańa tolqynyn ázirleý júzege asyrylmaıdy. Nege sizder tek ózderińizdiń korporatıvtik múddelerińizdi qorǵaıtyndarǵa, týystaryńyzǵa senim bildiresizder. Men árıne, buǵan qarsy emespin, jumys yńǵaıly bolyp, ózderińiz senetin adamdar isteýleri kerek. Alaıda olar da senimnen shyǵýlary kerek qoı. Al jańaǵydaı tańdaý qaǵıdatymen jumys isteý, eń birinshi ózderińizge qıyn», - dedi Elbasy.
Bul rette Memleket basshysy isine qarap, mamandy, basshyny tańdaý qajettigin eskertti. Bul rette sebepti de aıtyp kórsetti. «Onyń sebebi - Prezıdent apparatynda da, memlekettik qyzmet isteri jónindegi agenttikte de bul máselemen eshkim shuǵyldanbaıdy. Jańa tolqyn boıynsha kadrlyq rezervke qatysty qamqorlyq joq. Sporttyq termınologııa boıynsha aıtsaq «qosalqy oıynshylaryńyzdan» eshkim de joq», - dedi N. Nazarbaev.
