Kadrlyq rezervpen kezdesý: Prezıdentke balalardy qorǵaý júıesin ózgertý usynyldy

NUR-SULTAN. QazAqparat – Qazaqstannyń balalar quqyǵyn qorǵaý júıesine birqatar ózgeris engizý qajet. Bul týraly búgin Aqordada Memleket basshysy Qasym-Jomart Toqaevtyń Prezıdenttik kadr rezervine engen jastarmen kezdesýinde «Óskemen qalalyq bilim bólimi» memlekettik mekemesi Qamqorshylyq jáne qorǵanshylyq organy, balalardyń quqyqtaryn qorǵaý sektorynyń meńgerýshisi ıÝlııa Ovechkına aıtty, dep habarlaıdy QazAqparat tilshisi.

«Balalar quqyǵyn qorǵaý júıesine birqatar ózgeris engizýdi usynamyn. Birinshiden, biz jumysymyzda aldyn alý sharalaryna basymdyq berýimiz qajet. Saldaryn joıý emes, daǵdarysty jaıttyń týyndaıtyndyǵyn eskertý mańyzdy. Bul nashar otbasylar sanyn aıtarlyqtaı qysqartýǵa múmkindik beredi», - dedi Prezıdenttik kadr rezervine engen ıÝ.Ovechkına.

Onyń aıtýynsha, ekinshiden, balalar quqyǵyn qorǵaý, turmystyq zorlyq-zombylyq, balalar sýıtsıdi, jasóspirimder arasyndaǵy quqyq buzýshylyq, barlyq otbasynyń áleýmettik ál-aýqaty máselelerimen aılanysatyn barlyq ókiletti organdardyń ózara is-qımylyn kúsheıtken jón.

«Úshinshiden, erte monıtorıngileýdiń tıimdi júıesin qalyptastyrý mańyzdy. Ol táýekel aımaǵynda turǵan otbasylardy erte kezeńde anyqtaýǵa jáne olardyń ómirlik qıyn jaǵdaıǵa dýshar bolmaýyna múmkindik berýi tıis. Tórtinshiden, balalardyń quqyqtaryn qorǵaý máselelerimen daıyndalǵan ári bilikti, balalar psıhologııasy men otbasylyq janjal salasynda bilimi bar mamandar ǵana aınalysýy tıis. Osy usynystar balalar quqyqtarynyń buzylý faktilerin joıýǵa, qazaqstandyq otbasylardyń problemalaryn tıimdi sheshýge jáne ókiletti organdardaǵy bıýrokratııadan arylýǵa múmkindik beredi», - dedi ıÝlııa Ovechkına.