Kadrlyq rezerv múshesi shahmatty mektep baǵdarlamasyna qosýdy usyndy

NUR-SULTAN. QazAqparat – Prezıdenttik jastar kadrlyq rezerviniń múshesi, shahmattan Qazaqstan men Azııanyń birneshe dúrkin chempıony, Shymkent qalasy bilim basqarmasy basshysynyń orynbasary Gúlishan Nahbaeva shahmat úıretýdi mektep baǵdarlamasyna engizýdi usyndy, dep habarlaıdy QazAqparat tilshisi.

«Meniń basty ıdeıam – sporttyń bul túrin zııatkerlik retinde nasıhattaý, ıaǵnı balalarǵa oıynmen tanysýǵa jáne aqyldy, tolerantty, básekege qabiletti urpaq tárbıeleýge múmkindik berý», - dedi Gúlishan Nahbaeva Prezıdenttik jastar kadrlyq rezervi forýmynda sóılegen sózinde.

Spıker adamı kapıtaldyń basty maqsaty – el ekonomıkasyn damytý ekenin atap ótti.

«El ekonomıkasynyń basym bóligin bilim berý sektory alyp otyr. Sondyqtan, biz shahmatty mekteptegi oqý baǵdarlamasyna dene shynyqtyrý retinde qosatyn bolsaq, onda keleshek urpaq aqyldy bolyp ósedi dep oılaımyn. Óıtkeni, balalar – elimizdiń bolashaǵy. Qazirgi ýaqytta men Shymkent ákiminiń shaqyrtýymen bilim basqarmasyna aýystym. Munda pılottyq rejımde úıirme retinde 2-4 synyp oqýshylaryna shahmatty mektep baǵdarlamasyna qostyq. Ol úshin 360-tan astam dene tárbıesi muǵalimi shahmatty úıretý ádisteri boıynsha arnaıy biliktilik kýrsynan ótti», - deıdi Gúlishan Nahbaeva.