Kadrlyq máselelerdegi bilim ınstıtýttarynyń áleýetine arnalǵan jıyn ótti
ASTANA. 24 aqpan. QazAqparat - Búgin «Qazaqstandyq memlekettik-jekemenshik áriptestik ortalyǵy» AQ-nyń uıymdastyrýymen «Infraqurylymdyq jobalarmen basqarý: kadrlyq máselelerdi sheshýdegi bilim berý ınstıtýttarynyń áleýeti» taqyrybynda dóńgelek ústel otyrysy ótti.
Bul týraly atalǵan kompanııanyń baspasóz qyzmetinen habarlandy.
«Memlekettik-jekemenshik áriptestigi qoǵamnyń qarjy jáne áleýmettik múddesine saı memleket pen jeke bıznestiń ara-qatynasynyń ajyramas elementi bolyp keledi. Qazaqstanda endi ǵana aınalymǵa ene bastaǵan memlekettik-jeke áriptestik quralynyń keleshegi qalaı? Osy másele qoǵamda ózektige aınalyp barady», delingen baspasóz aıǵaǵynda.
Osy rette «Qazaqstandyq MJÁ Ortalyǵy» AQ Ekonomıkalyq damý jáne saýda mınıstrliginiń qoldaýymen elimizdegi osy áriptestikti ınstıtýtsıonaldy damytýǵa baǵyttalǵan jumys júrgizip keledi. Onyń ishinde MJÁ salasynda teorııalyq jáne tájirıbelik bilimi bar mamandar korpýsyn ázirleýge járdem berýge basa nazar aýdarylýda. Soǵan oraı ortalyq Qazaqstan óńirlerinde memlekettik-jekemenshik áriptestik syzbasy boıynsha ınfraqurylymdy damytý salasynda turǵyn úı-kommýnaldyq sharýashylyq jáne áleýmettik sektorlardyń jobalaryn iske asyratyn qajetti bilimge qol jetkizgen mamandardyń jetispeýshiligin alǵa tartady.
«Bul rette joǵary jáne ortasha arnaıy oqý oryndary MJÁ salasynda kásibı mamandar qataryn damytýdyń eleýli úlesin kúsheıtýge bolar edi. Qazaqstanda iri aýqymdy ınfraqurylym jobalaryn iske asyrý barysynda bıznes pen memleket mindettemelerin tolyq basqarý úshin birqatar jyldardan keıin qajettiligi bilinetin kadrlar jetispeýshiligine «tótep berýge» jáne oǵan jol bermeýdiń biregeı múmkindigi bar. Qazirgi tańda L. Gýmılev atyndaǵy Eýrazııa ulttyq ýnıversıtetiniń ekonomıka fakýltetinde bakalavr boıynsha tórtinshi kýrsqa memlekettik-jekemenshik áriptestik boıynsha kýrstyq tálim berý bastalyp ketti. MJÁ Ortalyǵy osy kýrstyq sabaqty ázirleýge járdemdesti jáne qyzyǵýshylyq tanytatyn barlyq oqý oryndaryna osyǵan uqsas kýrstardy ázirleýge kómek qolyn sozýǵa daıyn», - delingen baspasóz aıǵaǵynda.
Memlekettik organ ókilderi, múddeli uıymdar qyzmetkerleri qatysqan dóńgelek ústel barysynda osy máseleler keńirek talqylandy.
