Kadrlardy daıarlaýda Kanada men Avstralııanyń deńgeıine umtylý kerek - K. Másimov
ASTANA. QazAqparat - Kadrlardy daıarlaýda Kanada men Avstralııanyń deńgeıine umtylý kerek. Bundaı pikirdi búgin «Atameken» Ulttyq kásipkerler palatasynyń úshinshi sezinde QR Premer-Mınıstri Kárim Másimov aıtty.
«Eńbek resýrstarynyń mobıldigine toqtalatyn bolsaq, ekonomıka qurylymy boıynsha bizge uqsas elderdi salystyryp kórińizder. Olar damýdyń múldem basqa deńgeıinde tur. Mysaly, Avstralııa men Kanadanyń tájirıbesi úzdik. Biz olardyń deńgeıine umtylýymyz kerek. Olarda da belgili bir problemalar bar, ıaǵnı munaı baǵasynyń quldyraýy sekildi máseleni eńserýde. Alaıda, bul elderde eńbek resýrstary jaqsy daıyndyqtan ótken. Eger de bir sektorda kásiporyn jabylsa, onda jumysshylar ózderiniń daıyndyq biliktiligine qaraı basqa óndiristerge aýysýǵa múmkindigi bar», - dedi Úkimet basshysy.
Osy rette K. Másimov adamdardy daıarlaýdy jáne qaıta daıarlyqtan ótkizý baǵyttaryn tıimdirek etý turǵysynda jumys isteý kerektigin atap ótti.
«Prezıdenttiń tapsyrmasy boıynsha Úkimette jumys toby qyzmet etýde jáne jaqyn arada biz tıisti usynystarmen shyǵamyz», - dedi Premer-Mınıstr.
