Qadir túni: Nurlan ımam Jibek joly telearnasynda tikeleı efır ótkizedi

ASTANA. KAZINFORM — Jibek joly telearnasynda «Júrek sózi» baǵdarlamasynyń Qadir túnine arnalǵan shyǵarylymy tikeleı efırde kórsetiledi.

Nurlan Baıjigituly (Nurlan ımam) júrgizetin «Júrek sózi» baǵdarlamasy ár sársenbi saıyn 11:10–da Jibek joly telearnasynda kórsetilip keledi. Onda adamgershilik, ımandylyq, úlken men kishiniń syılastyǵy, izet-ınabaty tárizdi mańyzdy máseleler talqylanady. Búgingi arnaıy shyǵarylym «Qaıyry mol Qadir túni» dep atalady.

— Ramazan aıynyń qasıetti bolýynyń erekshelikteriniń biri — Qadir túninde taǵdyrdyń jazylýy. Myń aıdan da qaıyrly sanalatyn bul erekshe túndi qalaı qarsy alý kerek? Qandaı amaldar jasaǵan jón? Búgin 23:00–de tikeleı efırde Nurlan ımammen «Júrek sózi» baǵdarlamasyn ótkizip almańyz, — dep jazylǵan Jibek joly telearnasynyń Instagram paraqshasynda.

Tikeleı efır saǵat 23:00–den 00:00–ge deıin ótedi. Onda kórermender 8-717-295-4074 baılanys nómiri nemese ekrandaǵy QR-kod arqyly Oraza, Qadir túnine baılanysty óz saýaldaryn joldaı alady.

Eske sala ketsek, búgin 26 naýryzdan 27 naýryzǵa qaraǵan tún — Qadir túni. Qadir keshiniń ýaqyty kún batqannan sáresige deıin jalǵasady. Bul túnniń ǵıbadattaryn musylmandar meshitterde de, óz úılerinde de atqara alady. 

Sondaı-aq, Kazinform agenttigi Ramazan aıyna qatysty negizgi ustanymdardy kópshilik nazaryna usynǵan edi.