Kadr saıasaty jónindegi ulttyq komıssııanyń «A» korpýsy rezervine irikteýiniń qorytyndysy shyǵaryldy
ASTANA. QazAqparat - Búgin Aqordada Qazaqstan Respýblıkasy Prezıdenti Ákimshiliginiń Basshysy Nurlan Nyǵmatýlınniń tóraǵalyq etýimen Qazaqstan Respýblıkasy Prezıdentiniń janyndaǵy Kadr saıasaty jónindegi ulttyq komıssııanyń otyrysy boldy.
Ulttyq komıssııanyń otyrysynda memlekettik qyzmettiń «A» korpýsynyń kadr rezervine irikteýdiń qorytyndysy shyǵaryldy.
Іrikteýge qatysý úshin barlyǵy 1029 ótinish berilip, testileý rásiminen keıin 365 úmitker áńgimelesýge jiberildi.
Áńgimelesý qorytyndysy boıynsha Ulttyq komıssııa 149 kandıdatty rezervke alýǵa usyndy.
Rezervshilerdiń tolyq tizimi Memlekettik qyzmet isteri agenttiginiń resmı saıtynda jarııalanatyn bolady.
