Kadr bolmasa, aýrýhana salýdy toqtatý kerek - Elbasy
Memleket basshysynyń atap óýtinshe, 2012 jyly densaýlyq saqtaý salasyn qarjylandyrý 8 mlrd. dollardy qurady. Bul elimizdiń jalpy ishki óniminiń 4 paıyzyna teń.
«4 paıyz - bul damyǵan elderdiń deńgeıi. Sonymen qatar qyzmet sapasy áli de bolsa kútiletin nátıjege jetken joq. Óńirlerde salynǵan medıtsınalyq nysandar mamandarmen tolyq qamtylýy tıis, al olar jetispeıdi. Eger kadr bolmasa, onda aýrýhanalardyń qurylysyn toqtatý kerek. Dárigersiz korpýsty salýdyń qajeti qansha? Olar qatar júrgizilýi tıis. Kadrlardy daıyndaýdy arttyryp, keńeıtý qajet»,- dedi N.Nazarbaev.
QR Prezıdentiniń alǵa tartqan derekterine qaraǵanda, Úkimettiń memlekettik qaryzynyń 52 paıyzy densaýlyq saqtaý salasyna shyǵyndalady. «Memleket tarapynan 45 emhananyń, alǵashqy medıtsınalyq kómek ortalyǵynyń, 300 dárigerlik ambýlatorııanyń, onyń ishinde 26 apattyq nysannyń ornyna qurylys josparlanǵan. Degenmen, 32 nysan boıynsha qurylys jumystary toqtap qalǵan», - dedi QR Prezıdenti.