Qadir túni Kasablanka meshitteriniń birinde tyshqannyń kesirinen 80 adam japa shekti
ASTANA. QazAqparat - Marokkonyń iri qalalarynyń biri - Kasablankadaǵy Hasan ekinshi meshitinde jurt dúrligip, keptelis oryn aldy. Oqıǵa 14 shildede, Qadir túninde oryn alǵan.
Sońǵy derekterge súıensek, keptelis saldarynan 80 adam zardap shekken. Olardyń kópshiligi áıelder, keıbiriniń dene músheleri synyp, al keıbiri jeńil jaraqat aldy. Esinen tanǵandary da bar. Morocco World News atap ótkendeı, zardap shekkenderdiń ishinde jeti aılyq júkti áıel de bar. Qazir olar dárigerdiń qaraýynda.
Oqıǵa meshitte qulshylyq etýshilerdiń biriniń tizesine tyshqan sekirip shyqqannan keıin oryn alǵan. Qatty shoshynǵan áıel aıǵaılaǵan kúıi esikke qaraı júgirgen, osydan soń adamdar bir-birin myjyp-janshyp esikke umtylǵan.
