Qadir - boıǵa rýh, sanaǵa nur quıatyn erekshe tún - Bas múftı
Astana. QazAqparat - Qazaqstan Musylmandar dinı basqarmasynyń tóraǵasy, Bas múftı Erjan qajy Malǵajyuly barsha musylmandardy Qadir túnimen quttyqtady:
«Álemderdiń Rabbysy Alla Taǵalaǵa sansyz maqtaýlar men madaqtar, súıikti paıǵambarymyz Muhammedke (s.ǵ.s.) salaýattar bolsyn!
Ramazan meıirim, molshylyq aıy bolsa, sol qasıetti aıdyń mańyzyn Qadir túni tipti mándi ete túsedi. Alla Taǵala aılardan - Ramazandy, kúnderden - jumany, túnderden Qadir túnin artyq etken. Bul túnde álem musylmandary úshin ómirlik qaǵıdanyń negizi bolyp tabylatyn qasıetti Quran Kárim Hazireti Paıǵambarymyzǵa (s.ǵ.s) túsirile bastaǵan. Qasıetti Quran Kárimniń «Qadir» súresinde: «Qadir túni myń aıdan qaıyrly», - delingen. Bul túnde perishteler jerge túsedi. Qadir - boıǵa rýh, sanaǵa nur quıatyn erekshe tún. Sondyqtan osy túndi barlyq musylmandar qulshylyqpen ótkizip, otbasynyń amandyǵyn, eldiń tynyshtyǵyn tilep duǵa jasaıdy. Qadir keshin qulshylyqpen ótkizgen adam úlken saýapqa kenelip, eki dúnıeniń qýanyshyna bólenedi. Alla Taǵala bir aı boıy ustaǵan orazalarymyz ben Qadir túninde jasaǵan duǵalarymyzdy, tilekterimizdi qabyl etkeı! Elimiz aman, jurtymyz tynysh bolǵaı! Árbir otbasyna baqyt, bereke tileımin! Kóp ult pen ulystyń turaǵyna aınalǵan Otanymyzdyń birligi men yntymaǵy arta bergeı! Ámın!», delingen Bas múftıdiń quttyqtaýynda.
