Kádimgi qaratorǵaı - 2010 jyldyń qusy!
ALMATY. Qańtardyń 12-si. QazAqparat /Názıra Eleýhan/ - Qazaqstan bıoalýandyq saqtaý qaýymdastyǵy men Qazaqstan Qustardy qorǵaý odaǵynyń jetekshi ornıtologtarynyń birigip ótkizgen saýalnamasy nátıjesinde bıylǵy jyldyń qusy bolyp - qaratorǵaı tańdaldy,
dep habarlaıdy QazAqparat.
2006 jyldan bastaý alǵan atalmysh shara bıyl 5-shi ret ótkizilip otyr. Osy sııaqty sharalar Belarýs, Reseı, Ýkraına, Germanııa, Jańa Zelandııa, Estonııa, Ózbekstan jáne taǵy da basqa elderde dástúr retinde ótkizilip turady.
Osy sharaǵa oraı bıylǵy jyly qaratorǵaılarǵa kóńil aýdarý maqsatynda ár túrli dástúrli sharalar - uıa jasaý, sýret, foto baıqaýlary ótedi.
2009 jyly jyl qusy retinde boztorǵaı tańdalsa, 2008 jyly tyrnalar jyldyń qusy bolǵan edi.
Qazaqstanda qaratorǵaılardyń 3 túri mekendeıdi. Olar: qarapaıym qaratorǵaı, qyzǵylt qaratorǵaı jáne maına dep atalatyn úndi qaratorǵaıy. Qarapaıym qaratorǵaı - kóktemniń alǵashqy habarshysy. Sońǵy jyldary Qazaqstannyń ońtústik aýmaqtarynda qaratorǵaılardyń sany edáýir azaıǵan.
