KADEX: Túrkııa sarbazdary aýyr áskerı tehnıkany qalaı ákelgenin aıtty
«Airbus A400M-nyń salmaǵy - 37 tonna. Sosyn biz artqy jaǵyna joıǵysh ushaqtardyń oq-dárileri men qosalqy bólshekterin saldyq. Túrkııadan Qazaqstanǵa deıin bes saǵat ushtyq. Al F-16 joıǵysh ushaqtary eki jaǵymyzda ushyp keldi. Jol-jónekeı janar-jaǵarmaıdy da quıdyq. Biraz esh jerge qonǵan joqpyz. Sebebi F-16 joıǵysh ushaqtaryna janar-jaǵarmaıdy aspanda quıa berýge bolady», - deıdi Airbus ushqyshtary.
Túrkııa pavılonynda da áskerı tehnıka bar. Atap aıtqanda, brondy tehnıka jáne taǵy basqa mashınalardy kórýge bolady. Pavılon ókilderiniń aıtýynsha, árbir kompanııa áskerı tehnıkany óz kúshimen alyp keldi.
Pavılonnyń jalpy aýdany - 1620 sharshy metr. Onda Túrkııanyń 21 kompanııasy ornalasty. Olardyń ishinde ASELSAN ELEKTRONIK SANAYI VE TIC.A.S., AVS, BMC OTOMOTİV SANAYİ VE TİCARET A.Ş., DEARSAN GEMİ İNŞ SAN A.Ş., DESAN, GARANTİ GİYİM, GİR-SAN Makina ve Hafif Silah San. Tic. A.Ş., HAVELSAN, HOYTEK BILGISAYAR LTD., İŞBİR, MILSOFT, OTOKAR, ÖZTEK, SİMSOFT, SSM/SSİ, STM, TAIS, TURMAKS, TUSAŞ, TÜBİTAK BİLGEM, UNİFO GIDA SANAYİ TİCARET A.Ş., UNİFO GIDA SANAYİ TİCARET A.Ş jáne TEKNOLOJİ MÜH bar.
Túrik kompanııalarynyń ishinde áskerı kemelerdi jasaıtyn kásiporyndar kóp. Olar kemelerdiń san alýan úlgisin usynyp otyr. Budan bólek, tikushaqtardyń maketteri de bar. Al kireberiste Cobra II men Ural-dy kórýge bolady.
Aıta keteıik, Astanada V halyqaralyq «KADEX-2018» qarý-jaraq pen áskerı texnıka kórmesi ashyldy. Atalǵan sharanyń ashylý saltanatyna QR Prezıdenti Nursultan Nazarbaev qatysty. Memleket basshysy kórmeniń negizgi ereksheligin atady. jalǵasady. Oǵan Reseı, Belarýs, Qyrǵyzstan, Armenııa, Túrkııa, Iordanııa, Ázerbaıjan, Izraıl, Italııa syndy 40-tan astam elderdiń ókilderi qatysady. Sondaı-aq, Belarýs, Belgııa, Bolgarııa, Brazılııa, Germanııa, Izraıl, Úndistan, Ispanııa, Italııa, QHR, Nıderlandy, RF, AQSh, Serbııa sııaqty álemniń 28 eliniń 318 kásiporny óz ónimderin usynady.
Búgin «Qazaqstan Injınırıng» holdıngi men Túrkııanyń «Otokar» kompanııasy seriktestik týraly memorandýmǵa qol qoıdy. Sonyń negizinde eki kompanııa Qazaqstan aýmaǵynda brondy mashınalardy birlesip qurastyratyn bolady.
