«KADEX»-te jaralanǵandardy tasıtyn brondalǵan medıtsınalyq evakýator tanystyrylady
ASTANA. QazAqparat - «Qazaqstan ınjınırıng - 811 avtojondeý zaýyty» «KADEX-2018» V Halyqaralyq qarý-jaraq pen áskerı-tehnıkalyq múlik kórmesinde Jeńil brondalǵan kópbaǵytty tartqyshtyń bazasyndaǵy brondalǵan medıtsınalyq tasymaldaǵysh-evakýatordy (BMTE) kórsetedi, dep habarlaıdy QazAqparat.
QR Qorǵanys jáne aeroǵarysh ónerkásibi mınıstrliginiń baspasóz qyzmetinen málim etkendeı, jańǵyrtylǵan shynjyr tabandy tehnıkany sharanyń ashyq alańynda kórýge bolady.
Jeńil brondalǵan kópbaǵytty tartqyshtyń bazasyndaǵy BMTE - oshaqtardan zaqymdanǵan jappaı sanıtarlyq shyǵyndardy, jaraqat alǵandardy shaıqas alańynan alyp shyǵýǵa, izdestirýge, birinshi shuǵyl medıtsınalyq kómek kórsetýge arnalǵan.
Brondalǵan medıtsınalyq tasymaldaǵysh-evakýator teplovızor qurylǵysymen, jaralanǵandardy izdestirýge arnalǵan projektormen, medıtsınalyq jabdyqtarmen jaraqtalǵan.
«Qazaqstan ınjınırıng» Ulttyq kompanııasy» AQ quramyna kiretin «Qazaqstan ınjınırıng - 811 avtojondeý zaýyty» AQ órt sóndirý avtotsısternalaryn kúrdeli jóndeý men jańǵyrtýǵa, áskerı tehnıkany jańǵyrtýǵa jáne óndirýge, avtokólik jáne shynjyr tabandy tehnıkanyń kúrdeli jóndeýine mamandanǵan.
