KADEX-2018: «Qazaqstan ınjınırıngtiń» tehnıkalyq jańǵyrtylýy elimizge ne beredi
«Sońǵy jyldary kompanııa qyzmetter mep ónimderdiń tizimin keńeıtý boıynsha belsendi saıasatty júrgizip keledi. Osy maqsatta birqatar iri ınvestıtsııalyq jobalar júzege asyryldy. Olardyń qatarynda E-145 tikushaǵynyń qurastyrylýyn, optıkalyq qurylǵylardyń óndirisin, brondy dóńgelekti tehnıkalardy jasaý, avıatsııalyq-tehnıkalyq ortalyqtyń qurylýyn atap ótýge bolady. Memleket basshysynyń tapsyrmasy negizinde taıaý jyldary qorǵanys-óndiristik kesheni salasyndaǵy 9 kásiporyn jańǵyrtylady», - dedi Áset Qurmanǵalıev «KADEX-2018» V halyqaralyq kórmesi aıasynda ótip jatqan «ADVANCED DEF TECH» ǵylymı-praktıkalyq konferentsııasynda.
Ol sonymen qatar kompanııanyń jańǵyrtylýyna jol ashatyn birqatar basymdyqtardy atady.
«Jańǵyrtýdy júrgizýdiń esebinen biz eńbek shyǵynyn qysqartý, ózindik qundy tómendetý, sapany arttyrý, ónimniń aıqyndylyǵyn ósirý, eńbek ónimdiligin arttyrý turǵysynda naqty basymdyqtarǵa ıe bolǵaly otyrmyz. Jańǵyrtý ónimderdiń joǵary tehnologııaly jańa ónimderin óndirýge, kásiporyndy negizgi tasymaldaýshy retinde bekite túsýge, quzirettilikti arttyrýǵa, aımaqqa ónimdi tasymaldaýǵa jol ashady. Jańǵyrtý óndiristiń lokalızatsııasyn 30-dan 70 paıyzǵa arttyrýǵa, jeke óndiris arqyly eldiń qorǵanys qabiletin arttyryp, áskerı tehnıkalardyń eksportyn arttyrýǵa múmkindik beredi», - dedi ol.
Áset Qurmanǵalıev óz sózinde jańǵyrtýdyń negizgi baǵyttary týraly da umyt qaldyrǵan joq.
«Іshki naryqtyń suranysyn qamtamasyz ete otyryp, eksporttyq áleýetti arttyrý úshin kompanııa keleshegi mol klasterlerdi damytýdy kózdep otyr. Ol kólik quraý salasyna jáne oǵan jaqyn óndiriske mýltıplıkatıvti áserin tıgizedi. Sonymen qatar, servıstik qyzmetterdiń shoǵyryn kóbeıtýge jol ashady. Atalǵan klasterler «Qazaqstan ınjınırıngtiń» basty baǵyttary bolady», - dedi Áset Qurmanǵalıev.
Eske sala ketsek, keshe Astanada Elbasy Nursultan Nazarbaevtyń qatysýymen «KADEX-2018» V halyqaralyq kórmesi ashylǵan bolatyn. Kórme 26 mamyrǵa deıin jalǵasady.
