«KADEX-2016»: «Naıza» pılotaj toby Astana aspanynda «vals» oryndady

ASTANA. QazAqparat - Búgin elorda turǵyndary men qonaqtary Astanada ótip jatqan «KADEX-2016» halyqaralyq qarý-jaraq pen áskerı tehnıka kórmesin tamashalady. Minekı, osymen tórtinshi kún QR QK-niń avıabazasy qorǵanys salasyndaǵy mamandardy, al 4 jáne 5 maýsym kúnderi barlyq kelemin deýshilerdi qabyldap jatyr, dep habarlaıdy QR QM baspasóz qyzmeti.

Kórmede kóptegen qyzyqtardy kórýge bolady. Ekspozıtsııa 8 pavılonda jáne ashyq alańdarda óristetildi.

«Arlan» brondalǵan dóńgelekti mashınalary jáne qazaqstandyq óndiristiń «Barys» brondy transportery, qazaqstandyq Áskerı-áýe kúshteriniń avıatehnıkasy, Qurlyq áskerleriniń áskerı tehnıka úlgileri, jańǵyrtylǵan tikushaqtar men tankter, optıkalyq jáne elektrondyq prıborlar kórsetiledi. Eksponattardan basqa, kórme qonaqtary úshin ár kún saıyn avıatehnıkanyń múmkindikteri kórsetilýde.

Kók aspanda ózderiniń sheberlikterin Sý-30 joıǵyshynda qazaqstandyq áskerı ushqyshtar kórsetýde. Sý-27 ushaqtarynda «Jetisý» pılotaj tobynyń ushýlary, sondaı-aq TL-2000, Zlin242 jáne ıAk-130 oqý ushaqtarynda ushý sheberlikteri pash etilýde.

Kórmede alǵash ret ES-145 tikushaqtarynda «Naıza» pılotaj tobynan erekshe  vals usynyldy. Sonymen qatar Qazaqstan Respýblıkasy Qarýly Kúshteri Qurlyq áskerleriniń áskerı tehnıkasy da óz múmkindikterin kórsetti. 

Olardyń arasynda kelýshiler tankterdi, «Kobra», «Arlan» brondalǵan mashınalar men hammerlerdi tamashalady.