«KADEX-2016» kórmesinde elder arasyndaǵy alǵashqy kelisimge qol qoıyldy (FOTO)

ASTANA. QazAqparat - «KADEX-2016» kórmesi bıylǵy jyly qatysýshylardyń rekordtyq sanyn jınady. Qazaqstandy 100-den asa kompanııa usynýda. Resmı delegatsııa basshylarymen birge is-sharaǵa QR Qorǵanys mınıstri Imanǵalı Tasmaǵambetov te keldi.

Delegattardy «Qazaqstan ınjınırıng» UK» AQ-tyń tehnıkasymen tanystyrdy. «Arlan» brondalǵan mashınalary, jańǵyrtylǵan T-72A  tankteri, brondalǵan jóndeý evakýatsııalyq kólik mashınalary, ES-145 kesheniniń pılotajdyq trenajery, qazaqstandyq óndiristiń brondy keýdesheleri men ózge de tehnıka usynyldy, dep habarlaıdy QR Qorǵanys mınıstrliginiń baspasóz qyzmetinen.

  «KADEX-2016» kórmesiniń alǵashqy kúni aıasynda «Qaztehnologııalar» AQ-tyń ókilderi birqatar kezdesýler ótkizdi. Onda artıllerııalyq oq-dárilerdi  -  D-30 gaýbıtsasyna jarqynshaqty-fýgasty snarıady bar 122 mm oq atý jóninde «Qalqan 7» JShS-men birlesken kásiporyn qurý týraly quryltaı shartyna, Reseı Fedeartsııasymen «Grad» UM-21 AZJ qurylǵysyn jańǵyrtý máseleleri boıynsha shartqa qol qoıyldy. Sondaı-aq Birikken Arab Ámirlikteri, Ulybrıtanııa jáne Bolgarııanyń kompanııalarymen qazaqstandyq patron zaýytynyń ónimderin satyp alý jóninde kelisimge qol qoıyldy.

Odan basqa, Belarýske qazaqstandyq jylý vızııalyq kameralardy eksporttaý josparlanýda. «KAE»  qazaqstandyq kompanııasy belorýssııalyq «Pelengke»  ári qaraı kózdeýish keshenderine ornatý úshin óziniń jylý vızııalyq kameralaryn jetkizýge nıetti.   «KAE» JShS bas dırektorynyń orynbasary Ábııýr Alshymbaev pen «Peleng» AAQ bas dırektorynyń orynbasary  Sergeı Lıtvıakov  «KADEX-2016»  halyqaralyq qarý-jaraq pen áskerı-tehnıkalyq múlik kórmesiniń alańynda ózara túsinistik týraly tıisti memorandýmǵa qol qoıdy. 

 Á. Alshymbaevtyń aıtýynsha, memorandýmnyń maqsaty «Peleng» AAQ-tyń kózdeýish keshenderine «KAE» JShS-men ázirlenip, daıyndalǵan jylý vızııalyq kameralardy kiriktirý aıasyndaǵy yntymaqtastyq bolyp tabylady.