«KADEX-2016» kórmesi aıasynda shet el qorǵanys vedomstvolarymen arada birqatar sharttarǵa qol qoıyldy - QR Qorǵanys mınıstrligi (FOTO)

ASTANA. QazAqparat - «KADEX-2016» kórmesi alǵashqy kúniniń qorytyndysy boıynsha onyń mańyzdy quramdasy iskerlik baǵdarlama boldy. Atalǵan baǵdarlama barysynda shet elderiniń qorǵanys vedomstvolarymen sharttarǵa qol qoıyldy, dep habarlady QR Qorǵanys mınıstrliginiń baspasóz qyzmetinen.

Bıylǵy jyly 20 kásiporyn usynǵan «Qazaqstan ınjınırıng» UK» AQ Ýkraına jáne Belarýs Respýblıkasymen 3 mańyzdy kelisimshart jasasty.

Sonymen, qazaqstandyq jylý vızııalyq kameralardy Belarýske eksporttaý josparlandy.
«KAE» qazaqstandyq kompanııasy belorýssııalyq «Pelengke» olardy ári qaraı kózdeýish keshenderine ornatý úshin jylý vızııalyq kameralaryn jetkizýge nıetti.

«KAE» JShS bas dırektorynyń orynbasary Ábııýr Alshymbaev pen «Peleng» AAQ bas dırektorynyń orynbasary Sergeı Lıtvıakov «KADEX-2016» halyqaralyq qarý-jaraq pen áskerı-tehnıkalyq múlik kórmesiniń alańynda ózara túsinistik týraly tıisti memorandýmǵa qol qoıdy.

Ýkraınalyq «Motor Sıch» AQ «Qazaqstandyq avıatsııalyq ındýstrııa» (QAI) JShS-ǵa Mı-20 jáne Mı-8 tikushaqtaryn jańǵyrtý jáne Mı-8 tikushaqtaryna arnalǵan qozǵaltqyshtardy kúrdeli jóndeý boıynsha tehnologııalardy beredi.
Tıisti lıtsenzııalyq kelisimge «Motor Sıch» AQ prezıdenti Vıacheslav Bogýslaev pen «QAI» JShS bas dırektory Qaırat Jaýhanov qol qoıdy. Odan basqa, beısenbi kúni «QAI» JShS keleshekte mundaı jumystardy ATO-da uıymdastyrýmen belorýssııalyq «558-avıajóndeý zaýyty» AQ-ta Sý-25 úlgisindegi ushaqty kúrdeli jóndeý jáne jańǵyrtý úshin kelisimshartqa qol qoıdy.

Qazaqstandyq «Qaztehnologııalar» kompanııasy patron zaýytynyń bolashaq ónimin jetkizý jóninde BAÁ, Ulybrıtanııa jáne Bolgarııamen 3 memorandýmǵa qol qoıdy.

Sondaı-aq, Qazaqstan Respýblıkasy Qarýly Kúshteriniń Áskerı-teńiz kúshterine arnalǵan zymyran-artıllerııalyq korabldi satyp alý jóninde «Dıarsan» túrik kompanııasymen memorandýmǵa qol qoıyldy.