Kadetter arasyndaǵy ÁCh: Qazaqstandyq júldeger atandy
ASTANA. QazAqparat - Horvatııanyń Zagreb qalasynda kúres túrlerinen kadettter arasynda ótip jatqan álem birinshiliginde qazaqstandyq Bekzat Jalǵasbaev qola medalǵa ıe boldy, dep habarlaıdy QazAqparat tilshisi.
Ulttyq Olımpıada komıtetiniń baspasóz qyzmeti taratqan habarlamaǵa qaraǵanda, jarysty birinshi bolyp, erkin kúres balýandary ashty. Atalǵan kúres túrinen 65 keli salmaqta synǵa túsken otandasymyz Bekzat Jalǵasbaev alǵash bolyp el qorjynyna qola medal saldy. Bekzat aldymen makedonııalyq balýanmen kúresip, 10:0 esebimen jeńse, shırek fınalda ýkraınalyq balýandy jeńdi - 10:3.
Ókinishke qaraı, fınalǵa shyǵar jolda Bekzat reseılik Inalbek Sherıevten 2:10 esebimen utylyp qaldy.
Al qola medal úshin bolǵan beldesýde otandasymyz Grýzııadan kelgen balýannyń mysyn basyp (8:2) álem chempıonatynyń qola júldegeri atandy. Dál osy salmaqta Ázerbaıjan balýany Turan Baıramov álem chempıony boldy. Fınalda ol reseılik Inalbek Sherıevten basym tústi.
Ókinishke qaraı, Zagrebke barǵan erkin kúres balýandarynyń barlyǵy fınalǵa joldama ala almady. Tek, tórt balýanymyz - Ardaq Ihsanov (51 kg), ıAssaýı Muhtaruly (61 kg), Islambek Іlııasov (71 kg) jáne ıÝnýs Gafýrov (92 kg) erteń jubanysh beldesýlerin ótkizip, álem chempıonatynyń qola medaline talasatyn bolady.
